ఇదీ నా తున్తర్వ్యూ

T.V. లోనూ పత్రికలలోనూ ఈ మధ్య వస్తున్నా ఇంటర్వ్యూ లు చూసి ప్రేరణ పొందిన వాడినయి..
నన్నెవరూ ఇంటర్వ్యూ చెయ్యలేదని ఉడుకుపీత్తనం తో నన్ను నేనే ఇంటర్యూ చేసుకుమ్తున్నాను.
మీ పేరు.... మా అమ్మ నాన్న పెట్టిందే..
మీ వూరు.. నేనున్దేదే.
మీ విద్యాభ్యాసం... కూడు పెట్టేంత..
మీకిష్టమయిన రంగు.. రంగు పడనిది...
మీ కిష్టమయిన రుచి.. నాలిక మండనిది.
మీ కిష్టమయిన కవి ... క.వి. (కనపడదు..వినపడదు)
మీ కిష్టమయిన పుస్తకం ... ఎక్కాల పుస్తకం..
మీ కిష్టమయిన నాయకుడు.. నేనుకాదు
మీ కిష్టమయిన వ్యక్తీ.. చెప్పెకడా నేనుకాదు..
మీకిష్టమయిన పాట.. వేలాం పాట.
మీ లో మీకు నచ్చినది.. నా తిక్క.
మీ లో మీ నచ్చనిది.. బాబూ.. చెప్పినవే చెప్పడం మా ఇంటా వంటాలేదు.. నాతలతిక్క.
హ...హ.. ఎలాగుందండి నా తున్తర్వ్య్....నా గురించి నే చెప్పడం బాగోదేమో.

జయహో భారతమా

భారతమా ప్రియ భారతమా ..బంగారువేలుగుల భవితవమా..
నీ ముంగిట పారిజాతాలూ.. నవశాంతి కాంతి ఆభరణాలు ..

హలో ....నేను పాట పాడడమేంతా అనుకుంటున్నారా..
భయ పడకండి.. నీ పాడటం లేదు. గుర్తుకు తెస్తున్న నంతే.
ఒకానొక నాడు దూర్దర్సన్లో వచ్చిన ఒక సేరయాలకి టైటిల్ సాంగు ఇది.
౬౨ వసంతాలు మింగి ౬౩ సంవత్సరాలు వయస్సోచ్చినా కూడా..
ఇంకా బాలాకుమారిలా ... మనం అందరమూ భవితవం గురించే తలపోయడం చిత్రం....
ఎంత అభివృద్ది, మరెంతో ఘన విజయాలను సొంతం చేసుకుని .. ముందుకు సాగుతున్న మన భారతం...
చాలా ........ ముందుకు వెళిపోయింది. ఎంత ముందుకు అంటే... భారతానికి అర్ధరాత్రి ( అంటే అమెరికా దగ్గరకి)
దాకా వెళ్ళిపోయింది.. చూసారా ఎంత ముందడుగో..
సాధించిన ఘన విజయాలన్నీ ( మనం) అమెరికా కి ఇచ్చేసి భారతం ముందుకు వెళిపోతోంది....
ఇక్కడా మనకి (భారతీయులుకి) సాధించడానికి వనరులుండవు, ప్రోత్సాహం ఉండదుటా...
కొత్త జాగాలో ( అమెరికాకి వేల్లిపోయేం కదా అక్కడ అన్నిలభిస్తాయత కదా..
నిరుద్యోగం భారతావనిలో అనంతం అన్నారొక మేధావి.
ఇక్కడ నిరుద్యోగం లేదు బాబూ.. చిరుద్యోగం ఉంది నాయన అని చెప్పాలని ఉంది..
ఈ నాడు నిరుపెదలంతా, చక్కని ఫలితాలనిచ్చే ఉద్యోగాన్ని సాధించేరు మీకు తెలుసా?
అదే నంది రాజకీయం . ప్రభుత్వాని కయితే అయిదు సంవత్సరాలే పాలించే హక్కు.
కాని ఈ సో called పేదలకు ఎ ప్రభుత్వమున్న పండగే..
ఉండడానికి ఇల్లు.., తినడానికి చవుక ధరలకే బియ్యం, ఇతర వసతులన్నీ పేదలకే సుమా..
అందుకే నాకు అప్పుడప్పు అనిపిస్తుంది ఈ భారతంలో పెదవాదిగానేనా పుట్టాలి లేదా అమ్బానిలగానేనా పుట్టాలి కానిమధ్య బతుకులు ........
ఏనాటికి కూడా ఈ భారతం లో మన భారతం పట్టేవే.. నాది తప్పంటారా??????

డాడీ .. విలేజ్ అంటే ఏమిటి?

డాడీ .. విలేజ్ అంటే ఏమిటి?

నిజమే .. పాపా అడిగిన ప్రశ్నకి జవాబు చెప్పగలనా!! ఈనాటి తండ్రులకు వచ్చేప్రస్నేనేమో???
"బూం అంటే తెలియని ఆరోజుల్లో హాయి గా గ్రామాలున్దేవి.. పచ్చని చీరకట్టిన నెల తల్లి..
పూల సుగంధం పూసుకుని చల్లని సహజమయిన గాలి,
ఎ గడప దగ్గరకేల్లినా ఆప్యాయమయిన పలకరింపులు..
ఎ ఇంటిదగ్గర చూసినా.. రంగవల్లులు.. అబ్బో.. సినిమాలలో తప్ప చూడని సీతారామయ్యగారి మనమరాళ్ళు..
ఎక్కడకి పోయాయండి???
బడా బాబుల ని చూసి, పులిని చూసి నక్క వతపెట్టుకున్న చందాన పల్లెల్లోకూడా,
పట్నపువాసనలోచ్చేసాయి..
ఉన్నా పొలాలని రియలెస్టేటు బడాబాబుల చేతులలో పెట్టి, నేలతల్లిని సాగు చేయక బీడుభూములుగా మార్చివేసారు..
వారి దయవలన మిగిలిన చిన్న చైనా రాయ్తులంతా వర్షాల్లేక, వ్యవసాయం చెయ్యలేకా ఉన్నా మిగిలిన కాస్త భూమినికూడా బీడు చేసేస్తున్నారు.. అదే మనపాలిట శాపమయి, వర్ష భావ పరిస్థితిని, కొనలేని ధరలనూ పంచుతున్నాయి.
పెద్దలారా. ఉన్నా ప్రజలందరికీ ఇల్లిద్దాం కానీ తిన్దిలేకపోతే ఇంలోకుర్చుని చావాలి కాని మరో దారిలేదు..
globalaization, industrialization, paniki ahaara padhakam పంటలుంటేనే, ఆంధ్రావని పచ్చగా ఉంటేనే అందంకాని పంటల్లేని, ఎండిపోయిన బీడు భూములకు, శోభించవు.. అయ్యా, అమ్మా, గ్రామానికి అర్ధం చెప్పేలా గ్రామాలనిమిగల్చరూ....

మతం - అభిమతం

హలో .... మీరు ఎ మతం వారు? మీరేముట్లు?
ఈ ప్రశ్నలు మనం ఈ మద్య తరచూ గా వింటున్నాం.
నాకు ఎప్పుడూ ఒక అనుమానం.
అసలు మతమంటే?.... మన ఇష్టం అని కదా..
లోకంలో అందరి ఇష్టాలు ఒకతవాలని లేదుగా...
మరి గొదవలెన్దుకూ. ...
ఇష్టాలలో నా ఇష్టం గొప్పది.. నీ ఇష్టం తక్కువది అని ఏమి ఉండదుగా ..
ఎ మతంలో దేముడు అందరికంటే నేనే గొప్ప అని ప్రవచించేడు..
ఆయా దేవతలని ప్రచారం చేసే ప్రవక్తలే వారి గూర్చి లోకానికి తెలియ చేసారు గాని వారంతా వారుగా నేనే గొప్ప అనిఅనలేదుగా.
మనలో ఉన్నా అన్ని అవకరాలని మన దేవతలకీ కూడా అంతగాడుతున్నమేమో..
ఎవరు ఆలోచించాలి?? అతివాదులా?? మితవాదులా? ఏంటండీ ఈ గొడవ??
మనకెందుకు.. ఎవరిమతం వాళ్ళకి గొప్పా. అని అనుకుని దుప్పటి ముసుగేసేద్దమా..
లేక కొందరికేనా చెప్పడానికి " బాబూ అన్ని మతాలూ మన ఇష్టాలనుండే వచ్చేయి నాయనా..
ఇష్టాలగురించి కొట్టుకోకండి నాయనలారా..." అని ఎలుగెత్తి అరుద్దామా.... నాటో కొంచెం గొంతు కలపరూ. ...

అహో నా తెలుగు..

తెలుగు లోనే చదవాలనే తెలుగరీ..
నాపిచ్చి కానీ .. తెలుగు ఇష్టం ఎవరికో తెలుసా..
పరాయి దేశం లో ఉన్నా మన తెలుగోడికే.
"పెరటి చెట్టు వైద్యానికి పనికి రాదన్నట్లు.. "
ఆంద్ర ప్రదేశ్ వాళ్ళకి తెలుగు సైట్లు కానీ, తెలుగు బ్లాగులు కాని చదవబుద్ది కాదేమో?
ఎందుకో మరి తెలియదాయె.. పొరుగు కూరే రుచిగా తలచె..
బెంగుళూరు కెళ్ళి తెలుగు బ్లాగు నడిపితే..చదువరులకి చాల బాగుంటుంది..
అదే తెలుగు దేశంలో ఉండి, నడిపే తెలుగు బ్లాగు కి తెగులు వచ్చునట..
నాకెందుకో ఒక చిన్న అనుమానం, ఈ వలని బతికిన చేపలు పట్టడానికి కాకుండా,
చచ్చిన చేపలు పట్టడానికేమోనని .(వలంటే నెట్ అన్నా మాట)
కొందరు తెలుగు దేశం లో ఉన్నా తెలుగు T.V. చానళ్ళ వాళ్ల కి తెలుగు సరిగా మాట్లాడ్డం రాని వాళ్ళే దొరుకు తారు.
దేశం మరి గొడ్డు పోయింది..
కనీసం తమ భావాలను తెలియచేసే వారు గానీ, చెప్పే వారు గాని సదరు తెలుగు గడ్డ మీద లేరేమో?
నా వరకూ. నే నాకొచ్చిన తెలుగుతో అందరిని ఇలాగే బాధిస్తుఉంటాను.
మేరె అలోచించి అవలోకించండి..

అమ్మో ఒకటో తారీకు!!!

మల్లీ వచ్చిందండి ఒకటో తారీకు..
అంబ టేరోచ్చిన్ దే అత్తగారూ.. అంటే కొలతెడ్డు ఉండే కోడలా అన్నట్లు.
ఒక నాడు 1100/- రూపాయలు వచ్చినప్పుడు అదే భయం,
ఈనాడు 11,000/- రూపాయలు వచ్చినప్పుడు అదే భయం.
అప్పుడు కండి పప్పు కిలో ౫.౦౦ రూపాయలు ఉంటే ఇప్పుదు ఏకంగా ౯౦ రూపాయలు అయిపొయింది..
ఆమద్యన ఓ సిని కవి " ఎం తినే టట్లు లేదు ఎం కోనేటట్లు లేదు" అని చాల బాగా పాట రాసి చూపించేరు.
ఏది కొనడానికి వెళ్ళినా జేబులు ఖాలీ అవ్వడమే తప్ప వస్తువులు ఏమి రావడం లేదు..
ఈ స్తితి మనకేనా! అదే లెండి మన మధ్య తరగతి వారికే నేమో!..
ఒక మిత్రుడు కలసి ఆమద్యన సెలవిచేరు " నా బ్లాగులకి నెలకి ఓ పది వేలు వస్తున్నాయి అని"
అదెలాగో నాకైతే సమజవలేదు.. ఏదో వేన్నీళ్ళకి చన్నిలు తోదవుతయను కుంటే.. ఉన్నా నీళ్లన్నీ వేడెక్కిపోతున్నాయి కాని చన్నీళ్ళు అవడంలేదు.
సరేలే మన బాధలు ఎలాగూ ఉన్నాయి.. ఇంకొకర్ని భాదిన్చదమెండుకనుకుంటే.. ఏమి తోచిచావడం లేదు. ఎందుకు లెండి ఈ గోల!! ఇక ఈ రోజుకి ఉంటాను...

ఏంటో అన్ని "దినాలే"

నా చిన్నతనం లో కొన్ని దినాలే ఉండేవి.. మరి ఇప్పుడో.. అన్ని "దినాలే"
నావరకూ ఈ నాడు మనం అందరం పులిని చూసి నక్క వాత పెట్టుకున్నట్లు ఎవరినో చూసి,
ఈ దినాల సంప్రదాయాన్ని సొంతం చేసుకున్నట్లు అనిపిస్తోంది..
అన్ని "దినాలే"..
స్వతంత్ర దినం
రిపబ్లిక్ దినం
స్నేహితుల దినం
అమ్మల దినం
నాన్నల దినం
పర్యావరణ దినం
ప్రేమికుల దినం
అన్నల దినం
అక్కల దినం
తమ్ముళ్ళ దినం
ఇలా చెప్పుకుంటూ పొతే అన్ని దినాలే.
వీటి లో పై రెండు తప్పిస్తే మిగిలిన దినాలు ఎందుకో మీకయినా తెలుసా?
పూర్వకాలం లో ఈ so called T.V. Channels ఇన్ని వార్త చానళ్ళు లేని రోజులు ఒక సారి గుర్తుకు తెచ్చు కుంటే.
ఇన్ని దినాలు మనకు కనపడవు.. మరి ఈ రోజు ప్రతీ చెత్త విషయానికి ప్రాధాన్యత ఇచ్చి తెగ బోరేస్తున్నాయి
ఆ దినం, ఈ దినం అని చిన్నపిల్లలని ప్రేరేపించి అడ్డమైన చేత్తవస్తువులని కొనిపించి ఆనందిస్తున్నాయి..
మన భారతీయ సంస్కృతీ సాంప్రదాయాలను పూర్తిగా మరచిపోయేలా చేస్తూ పైకి మత్రం తామే తమ భుజ స్కంధాల మీద ఆ భారాన్నంతా మోస్తున్నట్లు పోజిస్తున్నాయి.
మన అందరి మనసులకి తెలుసు.. ఈ స్నేహితుల దినం ఎన్తవరకూ. స్నేహితులకే పరిమితమో..
స్నేహం పేరుతొ ప్రేమ అనే ఉచ్చు లోకి చిట్టి బాల్యాన్ని బలవంతంగా{ ఆకర్షణ} నలిపేస్తున్న నేటి ఈ సంస్న్స్క్రుతి ని ఏమని స్వాగాతిద్దామంటారు ?..
పాఠశాల లో చదివి చిన్నారులకి, కనీసం స్నేహమంటే ఏమిటో తెలియని బాల్యాన్ని కూడా ఈ జాడ్యం విడిచిపెట్టలేదు..
అసలు ఈ దినాలని కనిపెట్టిన ఆ మహాను భావులు కనపడితే చెప్పరూ. కాస్త ఆలోచించమని...

భారత దేశం - ఓ బాధ్యతా రాహిత్యం

బాధ్యతా రాహిత్యం--- అబ్బే.. నాకు తెలుగు సరిగా రాక అంట పెద్ద పదం వాడేసాను.. ఏమను కొకండెం..
ఇన్తకీ అసలూ బాద్యత అంటే తెలిస్తే కదా.. రాహిత్యం అంటే ఏమిటో తెలిసెదీ..
నీనేరిగిన నా ప్రాంతంలో దాని ఆచూకి తెలియలేదు.. మీకేమైనా తెలిస్తే చెప్పరూ..
ఓ పాఠశాలలో ఉపాధ్యాయుడిని అడిగితె.. బోలెడు కధ చెప్పి చివరకు నాకు కుడా పెద్దగ తెలియదు పెద్దలని అడగమన్నాడు..
ఓ పెద్ద మనిషిని అడిగితె.. కమిషన్లు తెలుసు.. రాజకీయ, అరాజకీయాల గురించి తెలుసు..
ఎవరైనా ఓ పని అడిగితె దానిని వాయిదా వెయ్యడం తెలుసు..
అసంబ్లి కి వెళితే ఎదురుగుండా. ఉన్నవారిని ఎద్దేవా చెయ్యడం తెలుసు.. కానీ.. ఈ బాద్యత ఏమిటో నాకు తెలియదన్నాడు..
ఓ ఉద్యోగిని అడిగితె .. నే జీతం కోసం, నా వాళ్ళ కోసం నే నేదో చేసుకోవాలి కదా.. నాకూ దానిగురించి తెలియదన్నాడు..
కాలాన్ని, ఋతువులని అడిగితె .. మీకు లేనిది నన్నడుగుతారేమంది..
పోనీ మీకేమయినా తెలుసా..
తెలిస్తే చెప్పరూ..

నాకు తెలీదమ్మా...

"నాకు తెలీదమ్మా...", "ఇదేం చొద్యమొగానీ.."
ఆహా.. నా తెలుగెంత తీయనిది?!!!..
ఎంత చదువులు చదివి.. ఎన్ని దేశాలు తిరిగిన తెలుగింటి అడబడచైన,
మరో మహిళా మణిని కలవ గానే
ఎందుకో తెలియదు గాని చర్చ మాత్రం పొరిగింటి గూర్చే సుమా.
"ఏమిటో నమ్మా. నాకు తెలియదు గానీ.. ఆ... ........ చూసేవా...
తో ప్రారంభ మైన ఆ చర్చ వారి, వారి ఆర్ధిక, సామాజిక, గృహ, .... అలా చెప్పుకుంటూ పొతే..
అనంత మిన్ని విషయ సృంఖలాలు సాగిపోతుఉంటై ..."
దీనికి మన మనస్తత్వ వేత్తలు ఎలా భావిస్తారో తెలియదు గాని..
నా కైతే మాత్రం.. ఇలాంటి వాళ్ళందరిని పిలిచి, ఒక చోట చేర్చి.. క్లాస్ పీకాలని ఉంది.."
అయ్యో, అయ్యో, క్షమించాలి.. పొరపాటున ఈ జాడ్యం మహిళల దే అనిఅన్నట్లున్నాను.
మనస్పూర్తిగా నన్ను క్షమించెయ్యండి తల్లులార.. ఇది మీ ఒక్కరి జాడ్యం మాత్రమే కాదు..
మా "మగ పున్గావులది కూడా". ఒక చోఇత చేరిన తర్వాత వారికీ ఎంత సేపైనా ఇంకొకరిగూర్చి
చర్చించడం లోని ఆనందం మరో విషయ సముపార్జన లో గాని ఇంకేండులో నైన మరి ఉండదు..

ఏంటో మరి "అయినా నాకెందుకు లెమ్మ..."

సత్కారాలు .. చిత్కారలా..

ఆ మద్యన మా స్నేహితునికి బదిలీ అయ్యింది.. అక్కడ తనతో పనిచేసిన మిత్రుని నే కలవడం జరిగింది. మా స్నేహితునిసహోద్యోగులందరూ కలసి మా స్నేహితుని సన్మానం చేసారని తెలిసింది.. ఆ వివరాలలో కి వెళితే...
మొన్న పద్దేమ్దో తారికున బదిలీ కాగితం తో వెళ్ళిన మా స్నేహితునికి తన సహోద్యోగులందరూ కలసి "ఈ రోజు మీకుసత్కారం చేస్తాం.. అది ఎలా చెయ్యాలని మీరు భావిస్తున్నారని సనమన గ్రహితని అడిగేరుట".. ఆ ప్రశ్న కి ఈ ప్రబుద్దుడు"నాకు కనీసం ఒక గజ మాలా, ఫలం, పత్రం, పుష్పం, తోయం తమ చిత్తం అన్నారుట.." అందుకు వారు బహు సంతసించి, అందుకు అయ్యే ఖర్చు వేచ్చల్లోంచి కొంత తమరు భరిస్తారా? అంటే సదరు స్నేహితులు గారు దానికేం భాగ్యం అన్నారుట.."
అందుకు గాను వారందు చందాలేసుకుని (అందులో కొంత మిగుల్చుకుని) ఓ దుస్సాలువ కప్పి సంమనిన్చేరుట..
బాగుందా?. .. ఎందఱో మహానుభావులు అందరికి వందనం

ఏమి ఈ రీతి??

"సజాతి ధృవాలు వికర్శించుకుంటాయి ..
..విజాతి ధ్రువాలు ఆకర్షించుకుంటాయి ..."
మా చిన్నప్పుడు భౌతిక శాస్త్ర ఉపాధ్యాయులు బోదించిన శాస్త్రం..
నాకెందుకో ఈ నియమాలన్నీ పుస్తకాలకేనేమో అనిపిస్తుంది..
ఈ నాడు సమాజం లో ఏర్పడే గుంపులన్నీ పై సూత్రానికి విభేదించేవే..
ధనిక వర్గ మంతా ఒకటిగా ఉంటుంది..
పేదవర్గ మంతా ఒకటిగా ఉంటుంది..
ఈ రెండు వర్గాలకి చెందని అధికసంఖ్యాక వర్గం ఒంటిగా ఉంటోంది..
పాపం దాంతో చేరడానికి ఏ వర్గము ఆసక్తి చూపదు.. ఎందుకో నాకు తెలియదు..
మరో చిత్రం చూసేరా ... ఆ వర్గం లో మాత్రం "సజాతి ధృవాలు వికర్శించుకుంటాయి."
ఇదేమీ.. రీతి గురుడా...?

చిత్రాలు

"చిత్రాలు చూడరో గురుడో.. గురుడా."
అని ఆమధ్య ఓ సిని కవి అన్నట్టు గురుతు.
రోజూ ఎన్నో చిత్రాలు. ఇలా నాకేనా ?
ప్రకృతీ అంతా చిత్రాలమయం....
ధనావేసం చుట్టూ రుణావేశం..
ధనం చుట్టూ ఋణం..
స్త్రీ చుట్టూ పురుషుడు..
ఆనందం తోటే విషాదం...
వెలుగు వెంటే చీకటి...
జననం వెంటే మరణం...
ఏంటో ఈ చిత్రం..
నీవెంటే నేను...
నా వెంట నీవు లేవెందుకో...
నే
ఎంత ఆలోచించినా ...

స్వగతం

ఇవన్ని నా స్వగతాలె. ఇందులో నా బాధలన్ని నా చదువరుల కోసమే. బుర్రనిండా ఆలోచనలు. ఎక్కడెక్కడికో అవి తీసుకుని పోతున్నై. వాటినన్నింటిని తీసుకుని రావాలని ఉంది. అవన్నీ పంచుకోవడం అంటు జరిగితే అది మీతోనే.
నిన్న మా స్కూల్లో ఉన్నా చెట్టు కింద నే కూర్చుని ఉన్నపుడు నా విద్యార్ధి వచ్చి "సార్ . రామ రాజ్యం గొప్పదా? రావణ రాజ్యం గొప్పదా? " అని సింపుల్ గా అనేసాడు.
అప్పుడు వాడికి ఏదో జవాబు చెప్పినా నాకు మాత్రం బుర్ర పనిచెయ్యలేదు. వీడు తెలిసే అడిగేడా లేక పొతే తెలియక అడిగేడా? అసలు దీనికి జవాబు ఎలా చెప్తే బాగుంటుంది? అలా అలోచించి సదిగ్ధం లో ఉండిపోయాను.
ఒకరోజు వేదిక మీదనుంచ్ మా తెలుగు సార్ "రాముడు అంత గొప్ప నాయకుడు లేదు.. చిన్న మాట కోసం భార్యనే అడవులకి పంపించిసేడు తెలుసా" అన్నారు . నాకనిపించింది. అంత గొప్ప ఏముంది.. ఈనాటి మన నాయకులూ తలుచుకుంటే ఎవ్వరినైనా అడవికి కాకుండా.. యమపురికే పంపగలరు. నేటి రీతినుంచే ఆలోచన జనించాలి..
అంతే కానీ రామరాజ్యం ఎక్కడుంది? ఈమద్య కాలంలో సత్యమేవ జయతే అంటూనే దర్జాగా అబద్దాలడేస్తున్నారు.
ఇంకెక్కడి సత్యమేవ జయతే?.. నాకెందుకో... "సత్యమేవజయతే" ని "లంచమేవ జయతే".. అంటే బాగుంటుంది కదా.. అనిపిస్తోంది.. మరి మీకో?